Мадриднинг «Реал» клуби ҳужумчиси Эндрикнинг манфаатларини ҳимоя қилувчи агент Тьяго Фрейтас футболчининг жамоадан кетиши ҳақидаги миш-мишларга муносабат билдирди.
Бразилиялик футболчининг ижарага кетиши эҳтимоли бутун ёз давомида муҳокама қилинди. 20 ёшли футболчи жорий мавсумда ҳали бирор марта майдонга тушмагани сабабли, унинг жамоадаги ҳолатидан норози экани ҳақидаги гап-сўзлар ҳамон давом этмоқда.
«Эндрик менга клубдан кетишни хоҳлаётганини айтмади, доимий ўйин амалиётига эга бўлиш учун бошқа жамоага ўтиш истагини ҳам билдирмади. Бу борада айтилганларнинг барчаси мутлақо ёлғон, бундай нарса бўлмаган», — дея Фрейтаснинг сўзларини Madrid Universal келтирмоқда.
Ҳужумчининг «Реал» билан шартномаси 2030 йилга қадар амал қилади.
