Dushanba kuni «Lids» Angliya chempionati doirasida «Nyukasl»ga qarshi bahs olib bordi.
Birinchi bo‘limda mezbonlar raqibidan to‘liq ustunlik qildi. Hisob 32-daqiqada ochildi — Lyuis Mayli o‘z darvozasiga gol urib qo‘ydi. Oradan ko‘p o‘tmay «Lids» ustunligini ikki karra oshirdi. Bu safar Jeyden Bogl aniq zarba bilan ajralib turdi. Tanaffus arafasida Dominik Kalvert-Lyuin «Lids»ning uchinchi golini urdi.
Tanaffusdan so‘ng mezbonlar hujumlarni davom ettirdi. 59-daqiqada Noa Okafor gol urib, «Lids»ning raqib darvozasiga to‘rtinchi golini kiritdi. Uchrashuv yakunida «Nyukasl» Bazumana Turening goli evaziga hisobni qisqartirdi.
«Lids» 8 ochko jamg‘arib, APL turnir jadvalida uchinchi o‘ringa ko‘tarildi. «Nyukasl» esa 5 ochko bilan 12-o‘rinda bormoqda.
