Душанба куни «Лидс» Англия чемпионати доирасида «Ньюкасл»га қарши баҳс олиб борди.

Биринчи бўлимда мезбонлар рақибидан тўлиқ устунлик қилди. Ҳисоб 32-дақиқада очилди — Льюис Майли ўз дарвозасига гол уриб қўйди. Орадан кўп ўтмай «Лидс» устунлигини икки карра оширди. Бу сафар Жейден Богл аниқ зарба билан ажралиб турди. Танаффус арафасида Доминик Калверт-Льюин «Лидс»нинг учинчи голини урди.

Танаффусдан сўнг мезбонлар ҳужумларни давом эттирди. 59-дақиқада Ноа Окафор гол уриб, «Лидс»нинг рақиб дарвозасига тўртинчи голини киритди. Учрашув якунида «Ньюкасл» Базумана Туренинг голи эвазига ҳисобни қисқартирди.

«Лидс» 8 очко жамғариб, АПЛ турнир жадвалида учинчи ўринга кўтарилди. «Ньюкасл» эса 5 очко билан 12-ўринда бормоқда.