«Manchester Yunayted»ning sobiq yarim himoyachisi Pol Skoulz jamoaning hozirgi darvozaboni Senne Lammensning saviyasiga hali ishonch hosil qilmaganini aytdi.

«Yuqori darajali darvozabonsiz APLda g‘alaba qozonayotgan qaysi jamoani ko‘rgansiz? Balki Lammens shunday darvozabonga aylanar, hozircha bilmayman. Menimcha, bu masala ochiq qolmoqda.

Yuqori darajali darvozabon kerak. “Liverpul”da Alisson, “Arsenal”da Rayya, “Manchester Yunayted”da esa Peter Shmeyxel va Edvin van der Sar bor edi. Ularning barchasida ajoyib darvozabonlar bo‘lgan. Maykl Kerrikka shunday golkiperni kutib, sabr qilishdan boshqa chora qoladimi-yo‘qmi, bilmayman», — dedi Skoulz The Good, The Bad and The Football podkastida.

Lammens 2025 yil 1 sentyabr kuni «Antverpen»dan «Manchester Yunayted»ga o‘tgan. Transfer qiymati taxminan 21 million yevroni tashkil etgan.