«Манчестер Юнайтед»нинг собиқ ярим ҳимоячиси Пол Скоулз жамоанинг ҳозирги дарвозабони Сенне Ламменснинг савиясига ҳали ишонч ҳосил қилмаганини айтди.
«Юқори даражали дарвозабонсиз АПЛда ғалаба қозонаётган қайси жамоани кўргансиз? Балки Ламменс шундай дарвозабонга айланар, ҳозирча билмайман. Менимча, бу масала очиқ қолмоқда.
Юқори даражали дарвозабон керак. “Ливерпуль”да Алиссон, “Арсенал”да Райя, “Манчестер Юнайтед”да эса Петер Шмейхель ва Эдвин ван дер Сар бор эди. Уларнинг барчасида ажойиб дарвозабонлар бўлган. Майкл Кэррикка шундай голкиперни кутиб, сабр қилишдан бошқа чора қоладими-йўқми, билмайман», — деди Скоулз The Good, The Bad and The Football подкастида.
Ламменс 2025 йил 1 сентябрь куни «Антверпен»дан «Манчестер Юнайтед»га ўтган. Трансфер қиймати тахминан 21 миллион еврони ташкил этган.
