«Arsenal» Liga kubogi 1/16 finalida safarda «Ipsvich»ni 4:2 hisobida mag‘lub etdi.
Uchrashuvning 7-daqiqasida 16 yoshli yarim himoyachi Maks Douman «Arsenal»ni oldinga olib chiqdi. 16-daqiqada Noni Madueke londonliklarning ustunligini ikki to‘pga yetkazdi.
47-daqiqada Douman yana bir bor gol urib, dubl qayd etdi va hisobni 3:0 ko‘rinishiga keltirdi. 58-daqiqada Mikel Merino «Ipsvich» darvozasini ishg‘ol qilib, «Arsenal»ning ustunligini yanada oshirdi.
62-daqiqada mezbonlar futbolchisi Anis Mexmeti bir gol bilan javob qaytardi. Uchrashuvning 90-daqiqasida «Ipsvich» hujumchisi Chuba Akpom yana bir gol urib, yakuniy hisobni 2:4 ko‘rinishiga keltirdi.
Qayd etish joiz, «Arsenal» joriy mavsumda barcha musobaqalarda o‘tkazgan 6 ta uchrashuvning barchasida g‘alaba qozondi.
«Arsenal»ning Liga kubogi 1/8 finalidagi raqibi keyinroq aniqlanadi.
«IPSVICH» – «ARSENAL» – 2:4 (0:2)
Gollar: Douman, 7 (0:1), Madueke, 16 (0:2), Douman, 47 (0:3), Merino, 58 (0:4), Mexmeti, 62 (1:4), Akpom, 90 (2:4).
