«Arsenal»ning sobiq hujumchisi Jeremi Aliadyer londonliklar safida ko‘rishni istaydigan futbolchini aytdi.
«Bu qiyin savol. Men jamoa muvaffaqiyatga erishishi uchun tarkib muvozanatli bo‘lishi va kiyinish xonasida yaxshi muhit hukm surishi kerak, deb chindan ham ishonaman.
Avvaliga Kilian Mbappeni aytmoqchi edim, chunki u shunchaki dunyoning eng yaxshi futbolchisi. Ammo u bu jamoaga qay darajada mos tushardi? Jamoa uchun o‘ynarmidi yoki ko‘proq individual harakat qilarmidi? Bunga ishonchim komil emas, shuning uchun bu juda yaxshi variant bo‘lardi, deb ham ayta olmayman.
Shu sabab, ehtimol, Xvichani tanlagan bo‘lardim. U jamoaviy futbolchi va maydonda juda ko‘p mehnat qiladi. U chap qanotda o‘ynaydi, bu pozisiyani esa yozda kuchaytirish yomon bo‘lmasdi. Menimcha, u fantastik transfer bo‘lardi», — dedi Aliadyer Live Football Tickets nashriga bergan intervyusida.
