«Manchester Siti» darvozaboni Janluiji Donnarumma yozgi transferlar oynasida jamoaga qo‘shilgan yangi futbolchilar haqida gapirdi. Mavsum boshlanishidan oldin «shaharliklar» tarkibini yarim himoyachilar Enso Fernandes, Elliot Anderson, Ayyub Buaddi, vingerlar Iliman Ndiaye, Allan hamda darvozabon Xeronimo Ruli to‘ldirdi.
«Bizda bir nechta futbolchi o‘zgardi, yangi o‘yinchilar keldi. Ularning barchasi eng yuqori darajada o‘ynashga va turli vaziyatlarni yengishga odatlangan, juda yuqori saviyadagi futbolchilar. Yangi klub, yangi jamoa va yangi shaharga ko‘chib o‘tish oson emas. Ammo ular yaxshi moslashmoqda, biz esa ular uchun qulay sharoit yaratishga harakat qilyapmiz.
Jamoada avvaldan bo‘lgan futbolchilar ularga juda katta yordam berishmoqda. Menimcha, bizni ajoyib mavsum kutmoqda. Maqsadimiz hal qiluvchi bosqichlarga yetib borish va barcha mumkin bo‘lgan sovrinlar uchun kurashish: Premyer-ligadan tashqari, Chempionlar ligasi va ikkita ichki kubokda ham», — deya Donnarummaning so‘zlarini Sky Sports keltirdi.
