Kilian Mbappe va «PSJ» o‘rtasida suddagi nizo ancha vaqt davom etdi. Ma’lum bo‘lishicha, futbolchi ish haqi va bonuslar sifatida 60 million yevro talab qilgan. Parijliklar esa Mbappening erkin agent sifatida jamoani tark etmaslik haqidagi va’dasi bajarilmaganini vaj qilib, to‘lovni amalga oshirishdan bosh tortgan.

2025 yil dekabr oyida mehnat nizolari bo‘yicha sud «PSJ»ni Mbappega 61 million yevro to‘lashga majbur qildi. Fransiyaning grand klubi sud qarorini bajardi.

Endi Parij apellyasiya sudi Mbappeni «PSJ»ga pul to‘lashga majbur qildi. Biroq summa nisbatan kichik — 60 ming yevro. Sudning bu qarori klubga kompensasiya to‘lanishi bilan bog‘liq. Mbappe bilan sudlashuvlar davrida, 2025 yil 10 apreldan 25 maygacha, klubning mablag‘lari ta’minlov chorasi sifatida foydalanish uchun mavjud bo‘lmagan. Shu sababli «PSJ» moliyalashtirish ehtiyojlarini qoplash uchun kredit liniyasi ochishiga to‘g‘ri kelgan.

Shu bilan birga, sud «PSJ»ning ma’naviy tovon undirish haqidagi talabini rad etdi, deb yozadi L’Equipe.