«PSJ» qishki transfer oynasida «Liverpul»ning 18 yoshli vingeri Rio Ngumoani o‘z safiga qo‘shib olishi mumkin. Bu haqda Les Transferts xabar berdi.
«Liverpul» tarbiyalanuvchisi 2025 yilda jamoaning asosiy tarkibida debyut qilgan. U Angliya futbolidagi eng istiqbolli yosh futbolchilardan biri sifatida e’tirof etilmoqda.
Ngumoa o‘tgan mavsum Angliya Premyer-ligasida 19 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
Manbaga ko‘ra, «PSJ»ning rejalariga «Arsenal» to‘sqinlik qilishi mumkin. London klubi ham yosh futbolchini o‘z safiga qo‘shib olishga qiziqish bildirmoqda.
«Liverpul» esa Ngumoani jamoada saqlab qolish niyatida. Shu sabab yaqin vaqt ichida futbolchi bilan shartnomani uzaytirish bo‘yicha muzokaralar o‘tkazilishi mumkin.
Ngumoaning amaldagi shartnomasi 2028 yil yoziga qadar mo‘ljallangan.
