«ПСЖ» қишки трансфер ойнасида «Ливерпуль»нинг 18 ёшли вингери Рио Нгумоани ўз сафига қўшиб олиши мумкин. Бу ҳақда Les Transferts хабар берди.
«Ливерпуль» тарбияланувчиси 2025 йилда жамоанинг асосий таркибида дебют қилган. У Англия футболидаги энг истиқболли ёш футболчилардан бири сифатида эътироф этилмоқда.
Нгумоа ўтган мавсум Англия Премьер-лигасида 19 та ўйинда майдонга тушиб, 2 та гол урди ва 1 та голли узатмани амалга оширди.
Манбага кўра, «ПСЖ»нинг режаларига «Арсенал» тўсқинлик қилиши мумкин. Лондон клуби ҳам ёш футболчини ўз сафига қўшиб олишга қизиқиш билдирмоқда.
«Ливерпуль» эса Нгумоани жамоада сақлаб қолиш ниятида. Шу сабаб яқин вақт ичида футболчи билан шартномани узайтириш бўйича музокаралар ўтказилиши мумкин.
Нгумоанинг амалдаги шартномаси 2028 йил ёзига қадар мўлжалланган.
