Samarqand shahrida bo‘lib o‘tayotgan 46-Butunjahon shaxmat olimpiadasining 1-tur uchrashuvlari yakunlandi. O‘zbekiston nomidan ishtirok etayotgan barcha 6 ta (3 ta erkaklar va 3 ta ayollar) jamoa dastlabki turni g‘alaba bilan boshladi.
Quyida har bir jamoalarning qayd etgan natijalari bilan tanishing:
Erkaklar o‘rtasidagi bahslar
O‘zbekiston-1 — Yamayka - 4:0
O‘zbekistonning birinchi raqamli jamoasi vakillari Yamaykaga qarshi bahsda raqiblarga umuman imkon qoldirmadi. Nodirbek Abdusattorov, Nodirbek Yoqubboyev, Shamsiddin Vohidov hamda Muhiddin Madaminov o‘z partiyalarini muvaffaqiyatli yakunlab, jamoaga 4:0 hisobidagi yirik g‘alabani taqdim etdi..
Nodirbek Abdusattorov 1:0 Joshua Kristi
Nodirbek Yoqubboyev 1:0 Rahim Gleyvs
Shamsiddin Vohidov 1:0 Jaden Shou
Muhiddin Madaminov 1:0 Akim Braun
O‘zbekiston-2 — Afg‘oniston - 3:1
Ikkinchi jamoa umumiy hisobda ishonchli g‘alabaga erishgan bo‘lsa-da, 4-doskada mag‘lubiyat qayd etildi. Humoyun Begmurotov afg‘onistonlik raqibiga 0:1 hisobida imkoniyatni boy berdi. Ammo shunga qaramay, O‘zbekiston-2 jamoasi 3:1 hisobida g‘alaba qozonishni uddaladi.
Abdumalik Abdisalimov 1:0 Xayber Farazi
Muhammadzohid Suyarov 1:0 Habibulla Amini
Ortiq Nig‘matov 1:0 S. Mirzaad
Humoyun Begmurotov 0:1 Homayun Mohtaat
O‘zbekiston-3 — Mali - 3,5:0,5
O‘zbekistonning uchinchi jamoasi vakillari Mali jamoasiga qarshi bellashuvda bitta durang va uchta g‘alaba qayd etdi. Almas Rahmatullayev, Muhammadali Abdurahmonov va Asrorjon Omonov g‘alaba qozongan bo‘lsa, Saidakbar Saydaliyev va Bakari Traore o‘rtasidagi bahsda durang qayd etildi.
Saidakbar Saydaliyev 0,5:0,5 Bakari Traore (durang)
Almas Rahmatullayev 1:0 Umar Keyta
Muhammadali Abdurahmonov 1:0 Baba M. Mayga
Asrorjon Omonov 1:0 Niare Yussuf
Ayollar o‘rtasidagi bahslar
O‘zbekiston-1 — Trinidad va Tobago - 4:0
Ayollar o‘rtasidagi bahslarda O‘zbekistonning birinchi raqamli jamoasi ham yuz foizlik ko‘rsatkichga erishdi. Tarkibdagi Gulruhbegim Tohirjonova, Umida Omonova, Nilufarxon Imomqo‘ziyeva hamda Guldona Karimovalarning barchasi ilk turda zafar quchdi.
Gulruhbegim Tohirjonova 1:0 Shemila Jeyms
Umida Omonova 1:0 Zara La Flyor
Nilufarxon Imomqo‘ziyeva 1:0 Samanta Dolli
Guldona Karimova 1:0 Ramnarin Singh
O‘zbekiston-2 — Togo - 3:1
Ushbu qarama-qarshilikning birinchi doskasida qora donalarda o‘ynagan Marjona Malikova o‘z partiyasini boy berdi, ammo qolgan shaxmatchilarning g‘alabasi evaziga O‘zbekiston-2 jamoasi Togoni 3:1 hisobida mag‘lub etdi.
Marjona Malikova 0:1 Izabel Mamah
Madinabonu Halilova 1:0 Afiva Kponsu
Asal Salimova 1:0 Sandrin Kudafa
Mumtozbegim Mansurova 1:0 Sandra Kudafa
O‘zbekiston-3 — Tanzaniya - 4:0
O‘zbekistonning uchinchi jamoasi a’zolari ham 4:0 hisobida g‘alaba qozondi. Zilola Aktamova, Maftuna Bobomurodova, Shohina Ahmedova va Barchinoy Shokirjonova raqiblariga hech qanday imkon qoldirmadi.
Zilola Aktamova 1:0 Nima Kisanga
Maftuna Bobomurodova 1:0 Siya Jozef Lissa
Shohina Ahmedova 1:0 Rishit Shah Anahi
Barchinoy Shokirjonova 1:0 Samson Berta
Ma’lumot uchun, Samarqand mezbonlik qilayotgan 46-Butunjahon shaxmat olimpiadasida jami 400 ta jamoa qatnashadi: Erkaklar guruhida 208 ta, Ayollar o‘rtasida esa 192 ta jamoa. Musobaqa 16–27 sentyabr kunlari bo‘lib o‘tadi.
