«Barselona» bosh murabbiyi Xans-Diter Flik jamoaning joriy mavsum boshidagi muvaffaqiyatli natijalari haqida fikr bildirdi.

Kataloniyaliklar chorshanba kuni «Rasing»ni 7:2 hisobida mag‘lub etdi. Shu tariqa, jamoa mavsumdagi dastlabki yettita uchrashuvning barchasida g‘alaba qozondi va raqiblar darvozasiga jami 33 ta gol urdi.

— Klub tarixidagi eng yaxshi startni qayd etdingiz. Bu haqda nima deysiz?

«Yaxshi start — albatta, ajoyib. Ammo eng muhimi — mavsumni juda kuchli yakunlash. O‘tgan mavsumda ham terma jamoalar tanaffusiga qadar juda yaxshi natijalar qayd etgan edik. Shuning uchun diqqatni yo‘qotmasligimiz kerak», — dedi Flik matbuot anjumanida.

«Barselona» 19 sentyabr, shanba kuni safarda «Sevilya»ga qarshi maydonga tushadi. Shundan so‘ng klub futbolida terma jamoalar o‘yinlari munosabati bilan tanaffus yuzaga keladi.