«Real Sosyedad» bosh murabbiyi Pellegrino Matarasso Yevropa ligasi umumiy bosqichi 1-turida «Bornmut»dan uchralgan 1:2 hisobidagi mag‘lubiyatga izoh berdi.
«Biz mutlaqo ikki xil bo‘limni ko‘rdik. Birinchi bo‘limda «Real Sosyedad» Yevropa ligasi o‘yiniga mos darajada harakat qilmadi. Negadir juda tez va oldini olish mumkin bo‘lgan ikkita gol o‘tkazib yubordik.
Ikkinchi bo‘limda esa o‘yin sur’atini sezilarli darajada oshirdik va butunlay boshqa kayfiyat hamda jangovar ruhni namoyish etdik. Yana gol urish uchun ko‘plab imkoniyatlarimiz bo‘ldi.
Juda yaxshi vaziyatlar yaratdik, ammo ulardan foydalana olmadik. Albatta, kamida durangga loyiq edik, ammo futbol shunaqa.
Yevropa ligasida bunday o‘yinlarda g‘alaba qozonishni istasak, butun 90 daqiqa davomida barqaror o‘ynashimiz kerak», — deya Matarassoning so‘zlarini UYEFA rasmiy sayti keltirdi.
