«Реал Сосьедад» бош мураббийи Пеллегрино Матараццо Европа лигаси умумий босқичи 1-турида «Борнмут»дан учралган 1:2 ҳисобидаги мағлубиятга изоҳ берди.

«Биз мутлақо икки хил бўлимни кўрдик. Биринчи бўлимда «Реал Сосьедад» Европа лигаси ўйинига мос даражада ҳаракат қилмади. Негадир жуда тез ва олдини олиш мумкин бўлган иккита гол ўтказиб юбордик.

Иккинчи бўлимда эса ўйин суръатини сезиларли даражада оширдик ва бутунлай бошқа кайфият ҳамда жанговар руҳни намойиш этдик. Яна гол уриш учун кўплаб имкониятларимиз бўлди.

Жуда яхши вазиятлар яратдик, аммо улардан фойдалана олмадик. Албатта, камида дурангга лойиқ эдик, аммо футбол шунақа.

Европа лигасида бундай ўйинларда ғалаба қозонишни истасак, бутун 90 дақиқа давомида барқарор ўйнашимиз керак», — дея Матараццонинг сўзларини УЕФА расмий сайти келтирди.