Angliya terma jamoasi hujumchisi Xarri Keyn 2026 yilgi jahon chempionati yarim finalida Argentinadan uchralgan mag‘lubiyatdan keyin Lionel Messi bilan bo‘lgan suhbat haqida gapirdi.
«O‘sha kuni Messini quchoqlab, unga finalda omad tilaganimni eslayman. Mag‘lubiyatdan keyin tushkunlikka tushmaslikka, raqibga va ayniqsa Leoga hurmat ko‘rsatishga harakat qildim. Menimcha, bu muhim edi», — dedi Keyn MARCA nashriga bergan intervyusida.
Eslatib o‘tamiz, jahon chempionati yarim finalida Angliya Argentinaga 1:2 hisobida imkoniyatni boy bergan edi.
Finalda esa Messi boshchiligidagi Argentina Ispaniyaga 0:1 hisobida mag‘lub bo‘lib, ketma-ket ikkinchi bor jahon chempioni bo‘lish imkoniyatini qo‘ldan boy berdi.
Angliya esa uchinchi o‘rin uchun bahsda Fransiyani 6:4 hisobida mag‘lub etib, jahon chempionatining bronza medallarini qo‘lga kiritdi.
