Qozog‘iston U-17 terma jamoasi kuzgi tayyorgarlik yig‘inini Shimkent shahrida o‘tkazadi. Jamoa mazkur yig‘in doirasida to‘rtta xalqaro o‘rtoqlik uchrashuvida ishtirok etadi.
Qozog‘istonlik futbolchilarning raqiblari O‘zbekiston va Rossiyaning tengdoshlaridan iborat bo‘ladi. Barcha uchrashuvlar «Namis» stadionida o‘tkaziladi.
Qozog‘iston U-17 terma jamoasi dastlab O‘zbekistonga qarshi 25 va 28 sentyabr kunlari ikkita uchrashuv o‘tkazadi. Shundan so‘ng jamoa Rossiyaga qarshi 2 va 5 oktyabr kunlari maydonga tushadi.
Terma jamoaning yig‘in uchun tarkibidan 27 nafar futbolchi o‘rin olgan.
Darvozabonlar: Abay Zamanbek (QFF akademiyasi), Matvey Kovalchuk («Qayrat»), Nursultan Soltang‘ozi («Kaspiy»).
Himoyachilar: Kirill Plachinda, Georgiy Grechka, Alixan Abdi, Ildar Datxabayev, Islom Rashidov, Yahyo Baymenov (barchasi — «Qayrat»), Mixail Turishchev, Daniyar Qasi (ikkalasi ham — QFF akademiyasi), Temur Sultaniasov («Ordabasi»).
Yarim himoyachilar: David Zarechniy (QFF akademiyasi), Amir Ospanov, Ali Sadirbayev (ikkalasi ham — «Shaxtyor»), Nurali Bijanov («Aktobe»), Alixan Akilbayev, Darin Ibadilda, Nurali Salimov (barchasi — «Qayrat»), Abdulla Bapishev («Magdeburg», Germaniya).
Hujumchilar: Artyom Shaligin (QFF akademiyasi), Tamerlan Sarsimbayev, Radmir Vdovin (ikkalasi ham — «Qayrat»), Anuar Tolendi («Astana»), Salim Xasanov («Vilyarreal», Ispaniya), Almat Saparxan («Ordabasi»), Timur Kazansev («Shaxtyor»).
