Қозоғистон U-17 терма жамоаси кузги тайёргарлик йиғинини Шимкент шаҳрида ўтказади. Жамоа мазкур йиғин доирасида тўртта халқаро ўртоқлик учрашувида иштирок этади.

Қозоғистонлик футболчиларнинг рақиблари Ўзбекистон ва Россиянинг тенгдошларидан иборат бўлади. Барча учрашувлар «Намыс» стадионида ўтказилади.

Қозоғистон U-17 терма жамоаси дастлаб Ўзбекистонга қарши 25 ва 28 сентябрь кунлари иккита учрашув ўтказади. Шундан сўнг жамоа Россияга қарши 2 ва 5 октябрь кунлари майдонга тушади.

Терма жамоанинг йиғин учун таркибидан 27 нафар футболчи ўрин олган.

Дарвозабонлар: Абай Заманбек (ҚФФ академияси), Матвей Ковальчук («Қайрат»), Нурсултан Солтанғози («Каспий»).

Ҳимоячилар: Кирилл Плачинда, Георгий Гречка, Алихан Абди, Илдар Датхабаев, Ислом Рашидов, Яҳё Байменов (барчаси — «Қайрат»), Михаил Туришчев, Данияр Қаси (иккаласи ҳам — ҚФФ академияси), Темур Султаниасов («Ордабаси»).

Ярим ҳимоячилар: Давид Заречний (ҚФФ академияси), Амир Оспанов, Али Садирбаев (иккаласи ҳам — «Шахтёр»), Нурали Бижанов («Актобе»), Алихан Акилбаев, Дарин Ибадилда, Нурали Салимов (барчаси — «Қайрат»), Абдулла Бапишев («Магдебург», Германия).

Ҳужумчилар: Артём Шалигин (ҚФФ академияси), Тамерлан Сарсимбаев, Радмир Вдовин (иккаласи ҳам — «Қайрат»), Ануар Толенди («Астана»), Салим Хасанов («Вильярреал», Испания), Алмат Сапархан («Ордабаси»), Тимур Казанцев («Шахтёр»).