«Chelsi» Angliya Premyer-ligasi 5-turidan o‘rin olgan uchrashuvda «Brentford»ga 0:3 hisobida yirik mag‘lubiyatga uchradi.

Uchala gol ham Emiliano Martines qo‘riqlagan darvozaga ikkinchi bo‘limda kiritildi. Squawka ma’lumotiga ko‘ra, «Chelsi» 2026 yil davomida APLda jami 43 ta gol o‘tkazib yuborgan. Bu chempionatdagi barcha jamoalar orasida eng yomon ko‘rsatkich hisoblanadi.

Bu borada keyingi o‘rinda 42 ta gol o‘tkazgan «Kristal Pelas» turibdi. «Nyukasl» va «Tottenxem» esa 39 tadan gol o‘tkazib yuborgan.

«Chelsi» o‘tgan mavsum Angliya Premyer-ligasini 10-o‘rinda yakunlagan edi. Ayni paytda Xabi Alonso boshchiligidagi jamoa 7 ochko bilan turnir jadvalining 7-pog‘onasida bormoqda.

«Chelsi» navbatdagi chempionat uchrashuvini terma jamoalar o‘yinlari uchun tanaffusdan so‘ng, 10 oktyabr kuni «Bornmut»ga qarshi o‘tkazadi.