«Челси» Англия Премьер-лигаси 5-туридан ўрин олган учрашувда «Брентфорд»га 0:3 ҳисобида йирик мағлубиятга учради.
Учала гол ҳам Эмилиано Мартинес қўриқлаган дарвозага иккинчи бўлимда киритилди. Squawka маълумотига кўра, «Челси» 2026 йил давомида АПЛда жами 43 та гол ўтказиб юборган. Бу чемпионатдаги барча жамоалар орасида энг ёмон кўрсаткич ҳисобланади.
Бу борада кейинги ўринда 42 та гол ўтказган «Кристал Пэлас» турибди. «Ньюкасл» ва «Тоттенхэм» эса 39 тадан гол ўтказиб юборган.
«Челси» ўтган мавсум Англия Премьер-лигасини 10-ўринда якунлаган эди. Айни пайтда Хаби Алонсо бошчилигидаги жамоа 7 очко билан турнир жадвалининг 7-поғонасида бормоқда.
«Челси» навбатдаги чемпионат учрашувини терма жамоалар ўйинлари учун танаффусдан сўнг, 10 октябрь куни «Борнмут»га қарши ўтказади.
