«Barselona»ning sobiq hujumchisi Serxio Aguero «Komo» bosh murabbiyi Sesk Fabregasning ishiga baho berdi.

«U «Komo»da juda yaxshi ishlayapti. Uning o‘yin uslubi «Barselona»nikiga juda o‘xshaydi. Fabregas Xosep Gvardiola qo‘l ostida ko‘p vaqt o‘tkazgan va kuchli murabbiylar bilan ishlagan.

Menimcha, u «Arsenal»da ham, boshqa istalgan klubda ham muvaffaqiyatli ishlay oladi. Ishonchim komilki, bir kun kelib uni katta jamoalardan birida ko‘ramiz», — deya Agueroning so‘zlarini Stake Football keltirdi.

Avvalroq Fabregas «Real», «Barselona», «Arsenal» va yana bir qator klublar qiziqish doirasida ekani haqida xabarlar tarqalgan edi.

O‘tgan mavsum yakunlariga ko‘ra, «Komo» o‘z tarixida ilk bor Chempionlar ligasi yo‘llanmasini qo‘lga kiritdi. Joriy A Seriya mavsumida esa Fabregas shogirdlari to‘rt turdan keyin 10 ochko bilan 3-o‘rinni egallab turibdi.