Italiya A Seriyasining 2026/27 yilgi mavsumi 5-turidan o‘rin olgan "Roma" — "Inter" uchrashuvi yakunlandi. Rimdagi "Olimpiko" stadionida o‘tgan bahs 2:2 hisobida durang bilan tugadi.

Uchrashuvni Davide Massa boshqardi.

Hisob 6-daqiqada ochildi. "Roma" yarim himoyachisi Manu Kone jamoasini oldinga olib chiqdi. 37-daqiqada Kone yana bir bor gol urib, dubl qayd etdi.

Ikkinchi bo‘lim boshlanishi bilan "Inter" javob qaytardi. 46-daqiqada Lautaro Martines hisobni qisqartirdi. 79-daqiqada esa argentinalik hujumchi o‘zining ikkinchi golini urib, yakuniy hisobni o‘rnatdi — 2:2.

Besh turdan keyin "Roma" 13 ochko bilan A Seriya turnir jadvalida birinchi o‘rinni egallab turibdi. "Inter" ham 13 ochko jamg‘argan, ammo qo‘shimcha ko‘rsatkichlar bo‘yicha ikkinchi pog‘onada bormoqda.

Keyingi turda Jan Pyero Gasperini jamoasi 11 oktyabr kuni "Komo"ga qarshi maydonga tushadi. Kristian Kivu shogirdlari esa 10 oktyabrda "Parma" bilan bahs olib boradi.