Dortmundning «Borussiya» klubi Germaniya chempionatida hali ochko yo‘qotmagan yagona jamoa bo‘lib turibdi. Shanba kuni «asalarilar» safarda «Shtutgart»ni minimal hisobda mag‘lub etdi.
Bu «Borussiya»ning yangi mavsumdagi ketma-ket to‘rtinchi g‘alabasi bo‘ldi. Klub o‘z tarixida atigi to‘rtinchi marta mavsumni to‘rtta ketma-ket g‘alaba bilan boshladi.
Avvalroq dortmundliklar bunday natijani 2001/2002, 2013/2014 va 2015/2016 yilgi mavsumlarda qayd etgan.
Germaniya chempionatining 5-turida «Borussiya» 10 oktyabr kuni Bremenning «Verder» klubiga qarshi maydonga tushadi.
Dortmundliklar so‘nggi bor 2012 yilda Germaniya chempioni bo‘lgan.
