«Kalyari» A Seriyaning yangi mavsumida dastlabki beshta o‘yinning to‘rttasida g‘alaba qozondi. Bu klub tarixida jamoa mavsumning ilk besh uchrashuvida to‘rtta g‘alaba qayd etgan ikkinchi holat bo‘ldi.

«Kalyari» bunday natijaga ilk bor 1969/1970 yilgi mavsumda erishgan. O‘sha mavsum klub uchun tarixiy ahamiyatga ega bo‘lib, jamoa Luiji Riva boshchiligida Italiya chempioni bo‘lgan va Skudettoni qo‘lga kiritgan.

Endi «Kalyari»ni jiddiy sinov kutmoqda — navbatdagi turda jamoa Turinning «Yuventus» klubini qabul qiladi.

Biroq uchrashuvga tayyorgarlik ko‘rish uchun yetarli vaqt bor. «Yuventus» bilan bahs terma jamoalar o‘yinlari munosabati bilan yuzaga keladigan tanaffusdan so‘ng, 11 oktyabr kuni o‘tkaziladi.