«Liverpul» nemis yarim himoyachisi Florian Virsni ijaraga berish bo‘yicha takliflarni ko‘rib chiqishga tayyor. Bu haqda Football Insider xabar bermoqda.

Manbaga ko‘ra, klub rahbariyati yanvar oyidagi transfer oynasida vinger bo‘yicha takliflarni kutmoqda. «Qizillar» futbolchini u muvaffaqiyatli to‘p surgan Bundesligaga qaytarib yuborishga tayyor. Shu bilan birga, «Liverpul» futbolchini to‘liq sotishga tayyor emas.

Florian Virsning bozordagi qiymati 100 million evro atrofida baholanmoqda. Uning amaldagi shartnomasi 2030 yil iyun oyi oxirigacha amal qiladi.

Joriy mavsumda nemis futbolchisi APLda 4 ta uchrashuv o‘tkazib, 1 ta golli uzatmani amalga oshirdi.