Joze Mourinyoning fikricha, hakamlik qarorlari «Real»ga xalaqit bermoqda.

Bugun madridliklar poytaxt derbisida «Atletiko»ga 1:2 hisobida mag‘lub bo‘ldi va endi «Barselona»dan 6 ochko ortda qolmoqda.

— Sizningcha, endi chempionlikni qo‘lga kiritish qiyin bo‘ladimi?

— Agar bizni tinch qo‘yishsa va barcha bilan teng sharoitda raqobat qilishimizga imkon berishsa, hali oldinda uzoq yo‘l bor.

Men haddan tashqari uzoqqa borib, hammasi oldindan rejalashtirilgan edi, deb aytishni istamayman. Bunday deb o‘ylashni ham xohlamayman. Men ular shunchaki xato qildi, deb o‘ylamoqchiman.

Murabbiy yoki futbolchi xato qilishi mumkin bo‘lganidek, hakamlar qo‘mitasi ham adashgan, deb o‘ylamoqchiman. Bechoralar shunday vaziyatga hech qachon tushmagan 41 yoshli bir insonni va «Real»ga qarshi juda boy tarixga ega boshqa bir shaxsni tayinlab, xato qilishdi», — dedi «Real» bosh murabbiyi.