Жозе Моуриньонинг фикрича, ҳакамлик қарорлари «Реал»га халақит бермоқда.

Бугун мадридликлар пойтахт дербисида «Атлетико»га 1:2 ҳисобида мағлуб бўлди ва энди «Барселона»дан 6 очко ортда қолмоқда.

— Сизнингча, энди чемпионликни қўлга киритиш қийин бўладими?

— Агар бизни тинч қўйишса ва барча билан тенг шароитда рақобат қилишимизга имкон беришса, ҳали олдинда узоқ йўл бор.

Мен ҳаддан ташқари узоққа бориб, ҳаммаси олдиндан режалаштирилган эди, деб айтишни истамайман. Бундай деб ўйлашни ҳам хоҳламайман. Мен улар шунчаки хато қилди, деб ўйламоқчиман.

Мураббий ёки футболчи хато қилиши мумкин бўлганидек, ҳакамлар қўмитаси ҳам адашган, деб ўйламоқчиман. Бечоралар шундай вазиятга ҳеч қачон тушмаган 41 ёшли бир инсонни ва «Реал»га қарши жуда бой тарихга эга бошқа бир шахсни тайинлаб, хато қилишди», — деди «Реал» бош мураббийи.