The Sun ma’lumotiga ko‘ra, Muhammad Salohga tegishli Rolls-Royce avtomobili tezlikni oshirgani qayd etilgan paytda rulda kim bo‘lganini ko‘rsatmagani uchun futbolchi 6 oyga haydovchilik huquqidan mahrum qilindi.
Qiymati 466 ming yevrodan ortiq bo‘lgan elektr Rolls-Royce Spectre avtomobili 2026 yil mart oyida Cheshir grafligining Uilmslou shahrida mobil tezlik kamerasi tomonidan qayd etilgan.
Manbaga ko‘ra, misrlik hujumchi polisiyaga avtomobilni kim boshqargani haqida ma’lumot bermagan. Shuningdek, u uy manziliga yuborilgan ikki marta sud chaqiruviga ham javob bermagan. Uorrington sudi avgust oyida Salohni uning ishtirokisiz aybdor deb topgan.
Haydovchilik guvohnomasini 6 oyga bekor qilishdan tashqari, mutasaddilar hozirda "Trabzonspor" safida to‘p tepayotgan futbolchiga 769 yevro miqdorida jarima ham solgan.
Bu Saloh ishtirok etgan yo‘l harakati qoidasi bilan bog‘liq birinchi holat emas. 2022 yilda u Ferrari avtomobilida belgilangan tezlikdan yuqori harakat qilgani uchun jarimaga tortilgan va haydovchilik guvohnomasiga 3 ta jarima balli yozilgan.
2018 yilda esa Saloh "Enfild" yaqinida avtomobil boshqarayotgan paytda mobil telefondan foydalanayotgani videoga tushib qolgan.
