O‘zbekiston Superligasida 22-tur bahslari yakunlandi. Endi chempionatda FIFA kunlari munosabati bilan qisqa tanaffus yuzaga keladi.

Milliy terma jamoalar ishtirokidagi xalqaro uchrashuvlardan so‘ng Superliga bahslari 7 oktyabr kuni 23-tur bilan davom ettiriladi.

Turning dastlabki uchrashuvida chempionat peshqadami "Neftchi" o‘z maydonida "Xorazm"ni qabul qiladi. 9 oktyabr kuni esa birdaniga to‘rtta bahs o‘tkaziladi. Unda "Paxtakor" — "Bunyodkor", "Qo‘qon-1912" — "Mash’al", "Buxoro" — "Andijon" va "Nasaf" — "Dinamo" jamoalari o‘zaro to‘qnash keladi.

10 oktyabr kuni "Qizilqum" "Surxon"ni qabul qiladi. Turga 11 oktyabr kuni OKMK — "Navbahor" hamda "So‘g‘diyona" — "Lokomotiv" uchrashuvlari yakun yasaydi.

Superliga, 23-tur:

7 oktyabr
"Neftchi" — "Xorazm"

9 oktyabr
"Paxtakor" — "Bunyodkor"
"Qo‘qon-1912" — "Mash’al"
"Buxoro" — "Andijon"
"Nasaf" — "Dinamo"

10 oktyabr
"Qizilqum" — "Surxon"

11 oktyabr
OKMK — "Navbahor"
"So‘g‘diyona" — "Lokomotiv"

Uchrashuvlarning boshlanish vaqtlari hozircha belgilanmagan.