«PSJ»ning sobiq futbolchisi Jerom Roten parijliklar hujumchisi Xvicha Kvarasxeliyaning mavsum boshidagi o‘yinini keskin tanqid qildi.

«Men unga qo‘yayotgan e’tirozim — aynan uning kuchli tomoni, ya’ni o‘zini maydonda bag‘ishlashi bilan bog‘liq. Ha, uning o‘yinlar jadvali juda tig‘iz, ammo unda baribir bir necha kunlik dam olish vaqti bor edi. Men undan sport formasining chin cho‘qqisida bo‘lishni talab qilmayapman, biroq gap «Oltin to‘p» haqida ketganda, talabchan bo‘lish kerak. U bu mukofotni oladimi-yo‘qmi, bilmayman, ammo agar sen unga da’vogar bo‘layotgan ekansan, maydonga tushganda darhol o‘z darajangni ko‘rsatishing kerak.

U har doim mukammal, mahsuldor va dahoona o‘yin ko‘rsatishi kerak demoqchi emasman, lekin mavsum boshidan beri, ochig‘ini aytganda, bu umuman unga o‘xshamayapti. Hammasi aytib bo‘lindi», — dedi Roten Footmercato nashriga.

Joriy mavsumda Kvarasxeliya Fransiya chempionatida beshta uchrashuv o‘tkazib, bitta golli uzatma muallifiga aylandi. Ta’kidlash joizki, gruziyalik futbolchi Liga 1 ning ushbu mavsumida birorta ham to‘liq o‘yin o‘tkazmadi.