«ПСЖ»нинг собиқ футболчиси Жером Ротен парижликлар ҳужумчиси Хвича Кварацхелиянинг мавсум бошидаги ўйинини кескин танқид қилди.

«Мен унга қўяётган эътирозим — айнан унинг кучли томони, яъни ўзини майдонда бағишлаши билан боғлиқ. Ҳа, унинг ўйинлар жадвали жуда тиғиз, аммо унда барибир бир неча кунлик дам олиш вақти бор эди. Мен ундан спорт формасининг чин чўққисида бўлишни талаб қилмаяпман, бироқ гап «Олтин тўп» ҳақида кетганда, талабчан бўлиш керак. У бу мукофотни оладими-йўқми, билмайман, аммо агар сен унга даъвогар бўлаётган экансан, майдонга тушганда дарҳол ўз даражангни кўрсатишинг керак.

У ҳар доим мукаммал, маҳсулдор ва даҳоона ўйин кўрсатиши керак демоқчи эмасман, лекин мавсум бошидан бери, очиғини айтганда, бу умуман унга ўхшамаяпти. Ҳаммаси айтиб бўлинди», — деди Ротен Footmercato нашрига.

Жорий мавсумда Кварацхелия Франция чемпионатида бешта учрашув ўтказиб, битта голли узатма муаллифига айланди. Таъкидлаш жоизки, грузиялик футболчи Лига 1 нинг ушбу мавсумида бирорта ҳам тўлиқ ўйин ўтказмади.