Kataloniyaning «Barselona» klubi safida to‘p surayotgan ispaniyalik vinger Lamin Yamal o‘z kuchiga hech qachon shubha qilmasligini aytdi.
«Men o‘zimga nisbatan hech qanday shubha qilmayman. Ba’zida do‘stlarim bilan hazillashib, agar Maykl Felps bilan suzish musobaqasida qatnashganimda ham unga: «Men seni ortda qoldiraman», derdim. Men har doim g‘alaba qozonishga intilaman, hatto 100 foiz yutishimni bilsam ham», — deya Yamalning so‘zlarini L’Équipe keltirdi.
2026 yilda 19 yoshli futbolchi «Oltin to‘p» uchun asosiy da’vogarlardan biri hisoblanadi.
Yamal joriy mavsum Ispaniya chempionatida yettita o‘yinda maydonga tushdi. Vinger bu uchrashuvlarda yettita gol urdi va to‘rtta golli uzatmani amalga oshirdi.
