Angliya terma jamoasi sardori Xarri Keyn milliy jamoa tarkibidan chiqarilgan yarim himoyachi Deklan Rays atrofidagi vaziyat haqida o‘z fikrini bildirdi.
«Arsenal» yarim himoyachisiga qo‘shimcha dam berishga qaror qilindi. U «uch sherlar»ning Millatlar ligasidagi sentyabr oyidagi o‘yinlarini o‘tkazib yuboradi.
«Har kimda vaziyat har xil. Orqada juda tig‘iz yoz qoldi — ayniqsa Premyer-ligada o‘ynaydiganlar uchun. Hozirda men Germaniyada o‘ynaybman, u yerda qishki tanaffus vaqtida dam olish va kuch yig‘ish imkoniyati bor, shuning uchun men boshqacha holatdaman.
Har kim o‘z haqida qayg‘urishi va sog‘lig‘ini birinchi o‘ringa qo‘yishi kerak. Men barcha yigitlarga ishonaman. Deklan bilan gaplashdik va men uning o‘z klubi hamda terma jamoa farovonligi uchun bor kuchini berayotganini bilaman. Unga qanchalik qiyin bo‘layotganini tushunaman», — dedi «Bavariya» forvardi Keyn Arsenal News Channel nashriga.
Angliya terma jamoasi o‘z uyida Ispaniyaga qarshi (26.09) va mehmonda Chexiyaga qarshi (29.09) o‘yin o‘tkazadi.
