«Arsenal» va «Barselona» «Chelsi» hujumchisi Joao Pedroni Xulian Alvaresga muqobil variant sifatida ko‘rib chiqqan.
Avvalroq har ikki klub Alvaresga qiziqqan, ammo «Atletiko» argentinalik futbolchini qo‘yib yuborishni istamagan.
Insayder Ekrem Konurning xabar berishicha, shundan so‘ng «Arsenal» va «Barselona» Joao Pedroni kuzata boshlagan.
Biroq braziliyalik hujumchi «Chelsi»da qolishga qaror qilgan va klub bilan shartnomasini uzaytirmoqchi.
24 yoshli futbolchining amaldagi shartnomasi 2034 yil iyun oyi oxirigacha mo‘ljallangan. Uning bozor qiymati 80 million yevro atrofida baholanmoqda.
Joriy mavsumda Joao Pedro Angliya Premyer-ligasida 4 ta o‘yin o‘tkazdi. U 3 ta gol urdi va 3 ta golli uzatma berdi.
