«Арсенал» ва «Барселона» «Челси» ҳужумчиси Жоао Педрони Хулиан Альваресга муқобил вариант сифатида кўриб чиққан.

Аввалроқ ҳар икки клуб Альваресга қизиққан, аммо «Атлетико» аргентиналик футболчини қўйиб юборишни истамаган.

Инсайдер Экрем Конурнинг хабар беришича, шундан сўнг «Арсенал» ва «Барселона» Жоао Педрони кузата бошлаган.

Бироқ бразилиялик ҳужумчи «Челси»да қолишга қарор қилган ва клуб билан шартномасини узайтирмоқчи.

24 ёшли футболчининг амалдаги шартномаси 2034 йил июнь ойи охиригача мўлжалланган. Унинг бозор қиймати 80 миллион евро атрофида баҳоланмоқда.

Жорий мавсумда Жоао Педро Англия Премьер-лигасида 4 та ўйин ўтказди. У 3 та гол урди ва 3 та голли узатма берди.