Gruziyalik hujumchi Xvicha Kvarasxeliya 2022 yildan 2024 yilgacha sharafini himoya qilgan «Napoli» klubidagi ishtiroki haqida fikr bildirdi. U ushbu klub o‘zi uchun tramplin vazifasini o‘taganini ta’kidladi.
«Rossiyada o‘ynab yurgan kezlarimda Yevropadagi yirik klubda to‘p surishni orzu qilardim. «Napoli»ga o‘tish faoliyatimda burilish nuqtasi bo‘ldi. Men o‘zimga: «Endi sening oldingda shunday darajada o‘ynashga munosib ekaningni hammaga isbotlash imkoniyati bor», dedim. Gruziyada top-5 ligalarda o‘ynagan futbolchilar juda kam edi — buni hatto tasavvur qilish ham qiyindek tuyulardi», — deydi Kvarasxeliya calcionapoli1926.it nashriga.
Eslatib o‘tamiz, futbolchi Neapol klubi tarkibida Italiya chempioniga aylangan edi.
