«Liverpul» «Everton» himoyachisi Jarrad Brentueytni diqqat bilan kuzatmoqda va uni Virjil van Deykka ehtimoliy o‘rinbosarlardan biri sifatida ko‘rib chiqmoqda.
TEAMtalk ma’lumotiga ko‘ra, mersisaydliklar 24 yoshli angliyalik himoyachining o‘yin saviyasini yuqori baholaydi. Biroq «Everton» bilan transfer bo‘yicha kelishish oson bo‘lmasligi kutilmoqda.
«Everton» Brentueytni jamoaning muhim futbolchilaridan biri deb hisoblaydi va hozircha uni sotish niyatida emas.
Himoyachining klub bilan shartnomasi 2030 yilgacha amal qiladi. Shu sabab «Everton» pozisiyasini faqat juda katta moliyaviy taklif o‘zgartirishi mumkin.
Transfermarkt portali Brentueytning bozor qiymatini 40 million yevroga baholamoqda.
