«Ливерпуль» «Эвертон» ҳимоячиси Жаррад Брэнтуэйтни диққат билан кузатмоқда ва уни Виржил ван Дейкка эҳтимолий ўринбосарлардан бири сифатида кўриб чиқмоқда.
TEAMtalk маълумотига кўра, мерсисайдликлар 24 ёшли англиялик ҳимоячининг ўйин савиясини юқори баҳолайди. Бироқ «Эвертон» билан трансфер бўйича келишиш осон бўлмаслиги кутилмоқда.
«Эвертон» Брэнтуэйтни жамоанинг муҳим футболчиларидан бири деб ҳисоблайди ва ҳозирча уни сотиш ниятида эмас.
Ҳимоячининг клуб билан шартномаси 2030 йилгача амал қилади. Шу сабаб «Эвертон» позициясини фақат жуда катта молиявий таклиф ўзгартириши мумкин.
Transfermarkt портали Брэнтуэйтнинг бозор қийматини 40 миллион еврога баҳоламоқда.
