«Bavariya»ning sobiq hujumchisi Karl-Xayns Rummenigge Xarri Keyn joriy yilda «Oltin to‘p»ni qo‘lga kiritishi kerak, deb hisoblaydi.

«O‘tgan mavsumda Xarri «Bavariya» va Angliya terma jamoasi safida 73 ta gol urdi. Bu mingyillikda faqat Lionel Messi undan ko‘proq gol ura olgan. Buning o‘zi ko‘rsatkich. Qolaversa, hujumchilar bu sovrinni tez-tez qo‘lga kiritadi. Hatto bu haqda sun’iy intellektdan so‘radim. Uning javobiga ko‘ra, Xarrining g‘olib bo‘lish ehtimoli 68 foiz. Umid qilamanki, shunday bo‘ladi.

«Bavariya» futbolchisi «Oltin to‘p»ni qo‘lga kiritmaganiga ancha bo‘ldi. Men 1980 va 1981 yillarda olgan ikki sovrinimdan beri oradan qirq yildan ko‘proq vaqt o‘tdi.

Shuning uchun bugun bunday natija nafaqat futbolchining o‘zi, balki «Bavariya» uchun ham alohida ahamiyatga ega bo‘lardi», — dedi Rummenigge.