Madridning «Real» klubi hujumchisi Kilian Mbappe Fransiya terma jamoasi safidagi o‘yinda yana bir bor ajralib turdi.

27 yoshli futbolchi Millatlar ligasi doirasidagi o‘yinning 54-minutida Turkiya terma jamoasi darvozasini ishg‘ol etdi. Bu forvardning joriy yilda terma jamoa libosida urgan 12-goli bo‘ldi — bu bilan u 2022 yilda o‘rnatilgan shaxsiy rekordini takrorladi, deb xabar beradi Opta. Shuningdek, bu XXI asr boshidan beri Fransiya terma jamoasida qayd etilgan absolyut rekorddir.

Eslatib o‘tamiz, 2026 yilda ham, to‘rt yil oldingidek, Kilian Mbappe jahon chempionatining eng yaxshi to‘purariga aylandi. U bo‘lib o‘tgan mundialda 10 ta gol urgan bo‘lsa, Qatardagi musobaqada 8 bor raqiblar darvozasini ishg‘ol etgan edi.

Mbappe gol urganidan bor-jog‘i besh daqiqa o‘tib, olgan jarohati sababli maydonni majburiy ravishda tark etdi.