«Bavariya» kuzatuv kengashi a’zosi Karl-Xayns Rummenigge jamoaning fransuz vingeri Maykl Olisening shartnomasi haqida fikr bildirdi.

«Mayklning shartnomasi 2029 yilga qadar amal qiladi. Bir payt kelib klub u bilan muzokara stoliga o‘tirishi va munosib taklif bildirishi kerak bo‘ladi. U o‘z pozisiyasida favqulodda futbolchi», — dedi Rummenigge.

24 yoshli Olise joriy Bundesliga mavsumida 4 ta o‘yinda maydonga tushib, 4 ta gol urdi va 1 ta golli uzatmani amalga oshirdi.

Futbolchining bozor qiymati 170 million yevroga baholanmoqda.