«Bornmut» rahbariyati yarim himoyachi Aleks Skottni «Chelsi»ga sotish ehtimoli bo‘yicha o‘z pozisiyasini belgilab oldi.

Jurnalist Din Jons ma’lumotiga ko‘ra, «Bornmut» «Chelsi»ning jiddiy qiziqishiga qaramay, Skottni kamida joriy mavsum oxirigacha jamoada saqlab qolishga qat’iy qaror qilgan.

Futbolchining yanvar oyidagi transferi deyarli imkonsiz deb baholanmoqda. Biroq kelasi yozda Skottning sotilishi istisno etilmaydi.

Klub ichida 23 yoshli yarim himoyachining transfer qiymati 110 million yevroga baholanmoqda.

Joriy mavsumda Skott barcha musobaqalarda 6 ta o‘yinda maydonga tushib, 1 ta gol urdi va 2 ta golli uzatmani amalga oshirdi.