«Борнмут» раҳбарияти ярим ҳимоячи Алекс Скоттни «Челси»га сотиш эҳтимоли бўйича ўз позициясини белгилаб олди.

Журналист Дин Жонс маълумотига кўра, «Борнмут» «Челси»нинг жиддий қизиқишига қарамай, Скоттни камида жорий мавсум охиригача жамоада сақлаб қолишга қатъий қарор қилган.

Футболчининг январь ойидаги трансфери деярли имконсиз деб баҳоланмоқда. Бироқ келаси ёзда Скоттнинг сотилиши истисно этилмайди.

Клуб ичида 23 ёшли ярим ҳимоячининг трансфер қиймати 110 миллион еврога баҳоланмоқда.

Жорий мавсумда Скотт барча мусобақаларда 6 та ўйинда майдонга тушиб, 1 та гол урди ва 2 та голли узатмани амалга оширди.