«Barnet» bosh murabbiyi Din Brennan yarim himoyachi Dele Allini klub mashg‘ulotlarida ko‘rishdan mamnun ekanini bildirdi. Shuningdek, u imkoniyat bo‘lsa, futbolchini hech ikkilanmasdan jamoaga taklif qilishini aytdi.

Hozirda Dele Alli «Barnet»ning mashg‘ulot bazasidan foydalanmoqda. London klubi Angliyaning to‘rtinchi divizioni — Liga 2da 7 ta turdan so‘ng turnir jadvalida peshqadamlik qilmoqda.

Angliya terma jamoasi va «Tottenxem»ning sobiq futbolchisi o‘tgan yili «Komo»ni tark etganidan buyon erkin agent maqomida.