Angliya terma jamoasi bosh murabbiyi Tomas Tuxel UYEFA Millatlar ligasi A ligasi guruh bosqichining 1-turida Ispaniyaga qarshi o‘yindan nimalar kutayotganini aytdi.

«Agar Ispaniyani mag‘lub etmoqchi bo‘lsak, bizga benuqson o‘yin kerak. Biz ularni yengadigan jamoa bo‘lishni va o‘z kuchimizni isbotlashni istaymiz.

Ispaniyaning o‘yinini shunchaki ko‘chirishdan ma’no ko‘rmayman. Nusxa originaldan yaxshiroq bo‘lishi mumkin, degan fikrga ham ishonmayman. Buning haqiqiy ma’nosi yo‘q, deb hisoblayman.

Albatta, bu Ispaniya yaxshi bajarayotgan jihatlarni e’tiborsiz qoldirishimiz kerak, degani emas», — dedi Tuxel.

Angliya va Ispaniya terma jamoalari o‘rtasidagi uchrashuv bugun, 26 sentyabr kuni Toshkent vaqti bilan soat 23:45 da boshlanadi.