"Al-Qodisiya" yarim himoyachisi Tijani Reynders Saudiya Arabistoni klubiga nega o‘tishga qaror qilganini tushuntirdi.
Futbolchi bu borada ochiq gapirib, transferda maosh asosiy omillardan biri bo‘lganini tan oldi.
"Futbolchilik faoliyatim yakunlanganidan keyin ishlashga majbur bo‘lishni istamayman. Buni yashirmayman. Ushbu shartnomani imzolab, hatto nevaralarim uchun ham moliyaviy barqarorlikni ta’minlay olaman. Shunday ekan, nega bu imkoniyatdan foydalanmasligim kerak?" — dedi Reynders.
Tijani Reynders yozda klubini almashtirib, "Manchester Siti"ni tark etdi va "Al-Qodisiya" safiga qo‘shildi.
Avvalroq niderlandiyalik yarim himoyachi "Milan"dan "Manchester Siti"ga o‘tgan edi.
