"Arsenal" hujumchisi Viktor Dyokeresh jamoadagi hozirgi holatidan norozi ekanini tan oldi.
Shvesiyalik futbolchi joriy mavsumda "Arsenal" safida bor-yo‘g‘i 2 ta o‘yinni asosiy tarkibda boshlagan. Premyer-ligada esa u ikki marta zaxiradan maydonga tushgan. 28 yoshli hujumchi hozircha gol urgani yo‘q.
"Albatta, "Arsenal"da ko‘proq o‘ynamayotganim alam qiladi. Qaysi jamoada bo‘lishingdan qat’i nazar, bu doim xafa qiladi, chunki maydonga tushishni, jamoaga foyda keltirishni va gol urishni istaysan.
Ba’zida bu haqiqatan ham tushkunlikka soladi, ammo imkoniyat berilganda bor kuchimni berishga harakat qilaman. Men o‘zimga bog‘liq bo‘lgan narsalarga e’tibor qaratyapman", — dedi Dyokeresh.
Viktor Dyokeresh 2025 yil yozida Lissabonning "Sporting" klubidan "Arsenal"ga qariyb 67 million yevroga o‘tgan edi.
