Lissabonning "Sporting" klubi himoyachisi Gonsalu Inasiu faoliyatini Italiya A Seriyasida davom ettirishi mumkin. Bu haqda Corriere dello Sport xabar berdi.

Manbaga ko‘ra, portugaliyalik futbolchini "Milan" o‘z safiga qo‘shib olishga qiziqmoqda. "Rossoneri" Inasiuni qishki transfer oynasida sotib olishni rejalashtirgan va uning uchun 40 million yevro taklif qilishga tayyor.

Avvalroq 25 yoshli himoyachiga "Barselona" ham qiziqish bildirgani haqida xabarlar tarqalgan edi.

Inasiu joriy mavsum Portugaliya chempionatida "Sporting" safida 6 ta o‘yin o‘tkazdi. U 1 ta gol urdi va 2 ta sariq kartochka oldi.