Лиссабоннинг "Спортинг" клуби ҳимоячиси Гонсалу Инасиу фаолиятини Италия А Сериясида давом эттириши мумкин. Бу ҳақда Corriere dello Sport хабар берди.
Манбага кўра, португалиялик футболчини "Милан" ўз сафига қўшиб олишга қизиқмоқда. "Россонери" Инасиуни қишки трансфер ойнасида сотиб олишни режалаштирган ва унинг учун 40 миллион евро таклиф қилишга тайёр.
Аввалроқ 25 ёшли ҳимоячига "Барселона" ҳам қизиқиш билдиргани ҳақида хабарлар тарқалган эди.
Инасиу жорий мавсум Португалия чемпионатида "Спортинг" сафида 6 та ўйин ўтказди. У 1 та гол урди ва 2 та сариқ карточка олди.
