"Manchester Yunayted" sardori Brunu Fernandesh Millatlar ligasida Portugaliyaning Norvegiyaga qarshi navbatdagi o‘yinida ishtirok etmaydi.

Portugaliya bosh murabbiyi Jorje Jezushning aytishicha, yarim himoyachida murakkab jarohat muammosi bor.

Fernandesh Norvegiyaga qarshi uchrashuv oldidan o‘tkazilgan so‘nggi mashg‘ulotni ham o‘tkazib yubordi. U avvalgi Uelsga qarshi 1:0 hisobidagi o‘yinni asosiy tarkibda boshlab, so‘nggi daqiqada almashtirilgan edi.

"Brunu Uelsga qarshi o‘yindan juda murakkab muammo bilan chiqdi. Unga davolanish va tiklanish uchun vaqt kerak.

U bu jarohatni "Manchester Yunayted"da olgan va menga so‘nggi uchta o‘yinni shu og‘riq bilan o‘tkazganini aytdi. Bu unga xalaqit berdi va Uelsga qarshi o‘yinda o‘zining eng yaxshi futbolini ko‘rsata olmasligiga ta’sir qilgan omillardan biri bo‘ldi", — dedi Jezush.

Portugaliya — Norvegiya uchrashuvi 27 sentyabr kuni bo‘lib o‘tadi.